Архив за месяц: Февраль 2015

23-февраль Ата Мекенди коргоо куну

Без рубрики

Улуу Ата Мекендик согушка 70 жыл толду. 21 мектеп окуучуларынын түзүлгөн “Шумкар” аттуу отрядттын мелдеш кечеси жана концертинин коштоосунда, Улуу Ата Мекендик согуштун ардагерлерин куттуктап, курман болгондорду эскеришти. Бул кечеде окуучулар ар кандай көнүгүүлөрдү жасоо жана атоматтарды ажыратып кайра чогултуу менен ардагерлердин көӊүдөрүн бурушту.
IMG_20150221_145522[1]
Бул өтүп жаткан иш чара боюнча Э.Кендирбаев орто мектебинин мугалими Динара Дүйшөкеева кыскача токтоло кетти:
IMG_20150221_160907[1]

“Биздин өтүп кеткен, бизди коргоп келген патриот мырзаларыбызды эскерүү ирээтинде ушундай иш чараларды өткөрүп жатабыз. Дайыма көзү өтүп кеткен баатырлар сымал, ар дайым элибизди, жерибизди коргоп, патриот болушун, ата-энесин сыйлаган, өзүнүн жерине чын ниетинен кызмат кылуусун каалайт элем”

10-классынын окуучусу Нурали Сыдыков патриоттук аскеердик мелдештерге көптөн бери катышып келет. Нурали бул иш чарага да активдүү катышты. Ал өз оюн мындайча билдирди:
IMG_20150221_160615[1]
“Патриотизм ар бир жигитте болушу керек. Жигит мекенин коргош керек. Жигит ошонусу менен айырмаланат”

IMG_20150221_155226[1]
Эр жигит эл четинде, жоо бетинде – дегендей биздин элибиздин бейпилдиги, тынчтыкта жашагандыгы мырзаларыбыздын мекен чегинде ак кызмат өтөп, өз эл жерин коргогондугуна байланыштуу деп билебиз. Баардык мырзаларды “Барскоон FM” жааматтык мультимедиа борборунун атынан чын ден-соолук, жашоодогу ийгилик, үй-бүлөдөгү ынтымак, өз жерин душмандардан коргогон мырзаларыбыздын көп болушуна тилектешпиз.

      23-февраль

Даярдаган: Айдай Кудайбергенова,Эрлан Абласов.

Э.Кендирбаев жана К.Чылабаев орто мектептеринде волейбол оюну боюнча мелдеш өтүүдө

Без рубрики,

18—февраль күнү Барскоон айылындагы орто мектептеринде волейбол оюну уюшулуп, окуучуларды туура тарбияга үндөөгө мугалимдер чоң салымын кошушкан.
20150218_112110[1]
К.Чылабаев мектебине кыздар, ал эми Э.Кендирбаев орто мектебине балдардын оюну өттү. Оюнга Барскоон, Тамга, Жеңиш,Чоң Жаргылчак, Кичи Жаргылчак, Тосор айылдары катышты. Мектептердин, айылдардын ынтымагын бекемдөө жана ден соолугун чыңдоо максатында уюшулуп жаткан иш чара жөнүндө Тосор айылынын дене тарбия мугалими, айылдык кеңештин депутаты, тарбия завучу Азамат Букаров төмөндөгүлөргө токтолду:
20150218_110808[1]
«Бүгүн волейбол боюнча Э.Кендирбаев мектебинде өтүп жатат. Оюндун уюштуруучусу Э.Кендирбаев мектеби. Бир жылдык спорттук иш чаранын пландарын спорттук мектептер аркылуу көзөмөлдөнөт. Негизи мунун максаты мыкты окуучу балдарды, кыздарды райондук денгээлге алып чыгып, райондон областка, областтан республикага чыгаруу. Жаштарды спортко үндөө максатында уюштурулуп жаткан иш чара өткөрүлүүдө.»
20150218_122438[1]
11—классынын окуучусу Азамат уулу Аман волейболду көптөн бери ойноп келет. Ал өзүнүн даярдыгы жана спортту өнүктүрүү боюнча оюн төмөнкүчө билдирип кетти:»Көз карашыбыз жакшы эле. Ойноп, утканга аракет кылып жатабыз. Дагы оюндарды уюштуруп, волейболду өнүктүрөбүз деген максаттарыбыз бар.»
20150218_111828[1]
Спорт ден соолуктун булагы деп бекеринен айтылбаса керек. Жаштар арасында спорттук мелдештер өтүп турса бул дагы жетишкендик.

      волейбол мелдеши отту

Даярдагандар: Айдай Кудайбергенова, Аманбек кызы Саадат

«Интернет колдонуучулары көбөйүүдө….»

Без рубрики,

Заманыбыздын талабына ылайык азыркы учурда Барскоон айылында интернет колдонуучулары күн сайын өсүүдө.
20150217_163044
Мекеме, маданият үйү, мектептерде ал гана эмес үйлөргө чексиз интернет башкача айтканда,Wi- Fi коюшууда.Айыл жаштары өздөрүнүн көп убактысын интернетке бөлүп жаткан учуру. Дал ушул айыл жаштары арасында актуалдуу темага айланган чексиз интернет же Wi-Fi га болгон көз карашы жана ою менен мектеп мугалими Мунаркүл Исмаилова бөлүштү:

20150217_143201
— «Wi-Fi дын терс жана оӊ таасири бар дечи,бирок менин жумушума негизгиси бул материалдарды алып, окуучуларга терен сабак өтүү болуп саналат.
Негизинен окууга келгендиктен, сабак учурунда Wi-Fi ды колдонуу бул бир топ эле зыянчылык болуп калат, анткени дегенде, окубай эле тескерисинче Wi-Fi менен эле окуучулар социалдык тармактарда отуруп калбадыбы».
Wi-Fiдын окуучулар арасында көп колдонулушун көчөдөн эле байкасак болот.
20150218_143544[1]
Ошондой эле 9-классынын окуучусу Алия Бекназарова чексиз интернет тууралуу мындай дейт:
-«Пайдасы жакшы эле болуш керек,мисалы үчүн биз сабактардан ар кандай маалыматтарды билип, ар кайсы сайттарга кирип алсак дагы болот. Сабактарга көп жардам берет. Терс таасири болсо, көптөгөн окуучулар кирип эле сабак жөнүндө маалымат албастан, ойношу да мүмкүн, мына ушундай терс жактары бар деп ойлойм».
20150218_145637[1]

Ал эми айыл тургуну Гүлбарчын Бабашева 4 баланын апасы. Анын балдары мектепте окушат. Гүлбарчын Бабашеванын чексиз интернетке болгон көз карашын кабарчыбыз Бермет Алыбаева билип келген:
-Балдарыныздын Wi-Fi колдонушуна көз карашыныз кандай?
-Жакшы көз караштамын,бул заманбап нерсе. Туура көз караштамын.
-Окуусуна Wi-Fiдын залалы тийбейби?
-Андай деп деле ойлобойм,убакыты тар да,сабакка келишет,барышат. Ошондуктан көп деле убакыт кетпейт.

      интернет колдонуучулары кобойуудо

Айыл тургундарынын мындай пикирлеринен кийин, Барскоон айылында чындыгында эле, интернет тармагы бир кыйла өнүгүп жатканына күбө болдук. Айыл жаштары чексиз интернетти туура багытта колдонот деп ишенебиз.

Даярдагандар:Бермет Алыбаева,Алтынай Бакишова.

Ооган согушуна катышкан ардагерлерге салтанаттуу майрам уюштурулду

Без рубрики, ,

Барскоон айлында Ооган согушуна катышкан ардагерлерге салтанаттуу майрам уюштурулду. Майрамда мектеп окуучулары ырдап,бийлеп өз өнөрлөрүн тартуулашты. Барскоон айыл өкмөтү  тарабынан Ооган ардагерлерине акчалай сыйлык жана сыйлуу тамак уюштуруп берилди.
20150217_135752
Барскоон айыл аймагынын  жооптуу катчысы Азимгүл Жаныгулова төмөндөгүлөрдү баяндап берди:

«5-февралда жылда биз ооган согушунун  ардагерлерине акчалай сыйлыктарыбызды беребиз,  андан тышкары  мектеп тарабынан өзубуздун чыгармачылык  топ бар  ошолордун демилгеси менен концерт программасы уюштурулат жана сый тамагыбыз бар,жылда акчалай сыйлыктарыбызды беребиз.  Эми аларды райондук  масштабда да белгиленет.  Бул иш чаралар айылда да белгиленет, жылда биз маданият үйүнө чакырып  сый тамагыбызды  уюштуруп авган согушунун ардагерлерин сыйлайбыз. Бул ардагерлерге чындыгында  өтө деле чоң жардам бербейбиз, айыл өкмөт тарабынан,себеби  дегенде акча каражаты 35  миң акча бөлүнгөн быйылкы  жылга ,ошого конверти андан тышкары сый тамагыбыз эле бар. Мисалы,Улуу Ата Мекендик ардагерлерине көмүр түшүрүп берсек ,андай болбойт да,булардын өзүлөрүнүн пенсиясы бар. Анан айыл өкмөт тарабынан андай өтө деле чоң жардам көрсөтөбуз деп айта албайбыз. Бирок сый тамагыбызды берип,500сомдук конвертибизди тапшырып узатабыз.»
20150218_115209[1]
Ооган согушунун ардагер Абылбек Үсөнбаев Ооган согушу дале эсимден кете элек деп мындайча эскерди:

» Ооган согушу 1979-жылы 20-декабрда башталган. 10-жыл болуп,ошонун ичинен бул Кыргызстандан 7142 адам катышып , анын ичинен 300 адам кайтпай калган,150 миңдейи ар кандай жаракаттарда катталып андан кийин 4 адам дайынсыз, 2 адам болсо Советтер Союзунун баатыры болгон. Эми азыр ушул убакта  биз 26-юбилейдик майрамды майрамдап жатабыз. Анан эми жакшы,ушинтип айыл өкмөтү бизге көз  карашы жагып чогулуштарды өткөзүп,концерттерди уюштуруп бергенине рахмат. Биздин окуучулар дагы өз концерттерин берип,айыл тургундары берип биздин көнүлүбүздү көтөруп жатат. Эми баарынарга аманчылык,ден-соолук каалайм.»
20150218_151418[1]
Ооган согушуна катышкан ардагерлерге чың ден соолук,узун өмүр, үй бүлөлүк бакыт каалайбыз.

      ооган согушуна катышкан ардагерлерге майрам уюшулду

Даярдагандар: Асель Асанова, Перизат Бекмурзаева

Э.Кендирбаев атындагы орто мектебинде орус тили жана адабияты боюнча фестиваль болуп өттү.

Без рубрики, ,

Бул фестивальга 5–11—класска чейинки окуучулар катышты. Фестивалдын жүрүшүндө окуучулар көркөм окуу, бийлөө, ырдоо жана башка тапшырмаларды аткарышты. Фестиваль 100дөн ашык окуучулардын катышуусу менен өттү.

image

Фестивалдын негизги максаты жана окуучуларга тийгизген таасири боюнча мектептин орус тили жана адабият мугалими  Элмира Түнгатарова төмөндөгүлөргө токтолду:

image

«Э.Кендирбаев орто мектебинде орус тили жана адабияты сабагына боюнча Улуу Ата Мекендик согуштун 70 жылдыгына карата фестиваль өттү. Бул фестиваль окуучуларга чоң  таасирин тийгизди. Азыркы учурда окуучулардын көз карашы аябай жакшы. Биздин мектепте көп коомдук иштер болуп турат». 8—классынын окуучусу Ислам Желдеңбаев орус тилине кызыгып келет. Ал фестивалга активдүү катышты жана өз оюн мындайча билдирди:        

image

«Уюштуруучуларга рахмат. Бул фестиваль жаштарга керек деп ойлойм. Башка окуучуларды катышууга чакырмакмын».       

image

Айыл жергесинде мындай  орус тили жана адабияты боюнча көп иш чаралар өтүп турса, окуучулардын орус тилине болгон кызыгуусу мындан да артмак.      

Даярдаган:  Айдай Кудайбергенова, Аманбек кызы Саадат.

      орус тили фестивалы болуп отту